Maxfiylik siyosati

Medemy — biologiyani ovozli darslar orqali o‘rgatadigan platforma. Bu sahifada qanday ma’lumot yig‘ishimiz, undan nima uchun foydalanishimiz va uni qanday himoya qilishimiz yozilgan.

Qanday ma’lumot yig‘amiz

• Hisob ma’lumotlari: ismingiz, email manzilingiz va parolingiz (parol faqat shifrlangan ko‘rinishda saqlanadi). Google orqali kirsangiz — Google bergan ismingiz, emailingiz va profil identifikatori.
• Darslar: darsdagi suhbat matni (siz va ustoz aytgan gaplar), dars davomiyligi, ball, tuzatishlar va ustoz eslab qoladigan kuchsiz mavzular.
• Ovoz: dars paytida mikrofoningizdagi ovoz real vaqtda qayta ishlash uchun uzatiladi. Ovoz yozuvlarini saqlamaymiz.
• Texnik ma’lumot: kirish uchun zarur cookie’lar, IP manzil va qurilma turi — xavfsizlik va suiiste’molning oldini olish uchun.
• To‘lov: tarifni Telegram orqali to‘laganingizda buyurtma kodi va tarif ma’lumoti. Karta ma’lumotlaringizni biz qabul qilmaymiz va saqlamaymiz.

Ma’lumotdan nima uchun foydalanamiz

Darslarni o‘tkazish, javoblaringizni baholash, keyingi darsni kuchsiz joylaringizdan boshlash, hisobingizni himoya qilish, bepul sinovni bir kishiga bir marta berish va xizmatni yaxshilash uchun. Ma’lumotlaringizni sotmaymiz va reklama uchun bermaymiz.

Kimlar bilan ulashamiz

Xizmatni ishlatish uchun quyidagi provayderlardan foydalanamiz:

• Google (Gemini, Google Cloud): ovozli darslar, nutqni tanish va dars natijasini baholash shu xizmatlar orqali qayta ishlanadi.
• Vercel va Railway: sayt va server joylashgan hosting (serverlar Yevropada).
• Google Sign-In: faqat siz «Google bilan kirish»ni tanlasangiz.

Qonun talab qilgan hollardan tashqari ma’lumotingizni uchinchi shaxslarga bermaymiz.

Saqlash muddati va o‘chirish

Ma’lumotlaringiz hisobingiz faol bo‘lgan davrda saqlanadi. Hisobingizni va unga bog‘liq barcha ma’lumotlarni o‘chirishni so‘rasangiz, 30 kun ichida o‘chiramiz. Buning uchun quyidagi aloqa manziliga yozing.

Bolalar

Platforma maktab o‘quvchilari va abituriyentlar uchun mo‘ljallangan. 16 yoshgacha bo‘lgan foydalanuvchilar ota-onasi yoki vasiysining roziligi bilan foydalanishi kerak.

Aloqa

Savollar va ma’lumotni o‘chirish so‘rovlari uchun: hayotbekturgunov01@gmail.com yoki Telegram: @turgunov_hayotbek.